Сколиоздің алдын алу немесе болған жағдайда жасалатын жаттығулар. Төмендегі жаттығулар тұрақты түрде таңертең немесе кешке жасау қажет.
Үй жағдайында барлық бұлшықеттерді нығайтуға бағытталған негізгі курсты ғана жасау керек.
Келесі ережелерді ұстану қажет:
Сколиоз кезінде жасалынатын жаттығулар бұлшықеттерге қатты күш түсірмеуі қажет;
Бастапқыда жүктеме деңгейі төмен болуы керек, уақыт өте келе жаймен арттыру керек;
Жаттығуларды жасаған кезде уақытқа назар аудармай оның дұрыс орындалуын бақылаңыз;
Сколиоз кезінде омыртқаны белсенді созуға тыйым салынғандықтан, кермеде (турник) жасалынатын жаттығулардан толығымен бас тарту керек.
Сколиоз кезінде орындалатын жаттығулар екі үлкен топқа бөлінеді:
Симметриялық. Омыртқаның ортаңғы қалпы сақталынатын гимнастикалық жаттығулар. Осы жаттығуларды орындау, омыртқаның қисаюын жою мен дамымаған бұлшықеттерді нығайту болып табылады.
Асимметриялық. Омыртқаның белгілі бір бөліктеріне күш түсіретін гимнастикалық жаттығу элементтері. Асимметриялық элементтерден тұратын бағдарламаны өздігінен жасауға тыйым салынады. Ойланбай жасалынған жаттығулар аурудың асқынуына әкеліп соғуы ықтимал.
Төменде тек симметриялық жаттығулар берілген, бұл жаттығулар қарапайым, әрі қауіпсіз.
1.
Бастапқы қалып (Б.қ.) - негізгі тұрыс (тік тұру). Оң аяқпен бір адым алдыға аттап, екі қолды көтеріп жоғары созылыңыз.
Денені тік ұстап осы қалыпта 20-50 сек тұрыңыз. Содан кейін сол аяққа көшіңіз.
Жасалу мөлшері: 2 рет
2.
Б.қ. - негізгі тұрыс. Алға қарай еңкейіп, екі қолды барынша артқа көтеріп созыңыз. Осы қалыпта 20-50 сек болыңыз.
Жасалу мөлшері: 2 рет
3.
Б.қ. - негізгі тұрыс. Алға қарай еңкейіп, екі қолыңыз қабырғаға тиетіндей тіреп, созылыңыз. Осы қалыпта 30-60 сек болыңыз.
Жасалу мөлшері: 1-2 рет
4.
Б.қ. - тік отыру. Екі аяқты айқастырып қосыңыз. Оң қолды жоғарыдан артқа, сол қолды төменнен жоғары әкеліп, саусақтарыңыздың ұшын жауырын тұсына біріктіре отырып, созылыңыз. Содан кейін екі қолдың орнын алмастырыңыз.
Жасалу мөлшері: 1-2 рет
5.
Б.қ. - төрт аяққа тұру. Басыңызды тік көтеріңіз және демді ішке тартып, беліңізді төмен қарай бүгіңіз де 5-10 сек тұрасыз. Демді сыртқа шығарғанда, беліңізді жоғары қарай бүгіңіз.
Жасалу мөлшері: 15-20 рет орындаңыз.
6.
Б.қ. - төрт аяққа тұру. Басыңызды тік ұстап, оң қолды алға қарай, сол аяқты артқа қарай тігінен созасыз. Яғни, оң қол мен сол аяқ бір сызықтың бойында болу керек. Содан кейін сол қол мен оң аяққа көшіңіз.
Жасалу мөлшері: әр аяқ-қолға 30-40 сек 1-2 рет орыңдаңыз.
7.
Б.қ. - төрт аяққа тұру. Сол қолыңызды жоғары қарай иығыңызды соза отырып, 30 сек көтеріңіз. Содан кейін екінші қолға көшіңіз.
Жасалу мөлшері: 2-3 рет
8.
Б.қ. - ет бетімен жату. Жамбасты жоғары қарай көтеріп, оң қолды иықтың арасынан, ал сол қолды оң қолға қарама-қарсы созып қоямыз. Басты қолдарыңыздың бағытына қарай орналастырамыз. Осылайша 30-60 сек орындап, келесі жаққа ауысамыз.
Жасалу мөлшері: 1-2 рет
9.
Б.қ. - екі аяқты қосып, ет бетімен жату. Екі шынтақты еденге тіреңіз, кеудеңіз бен басыңызды тік ұстап, көтеріңіз. 30-60 сек тұрыңыз.
Жасалу мөлшері: 2 рет
10.
Б.қ. - ет бетімен жату. Екі қолды алға созыңыз. Қолдарыңыз бен аяқтарыңызды кезегінен жоғары және төмен бағытта қимылдатыңыз.
Жасалу мөлшері: әр аяқ-қолға 15 рет орындаңыз.
11.
Б.қ. - тік отыру. Аяқтарыңызды қосып, алға созыңыз. Екі қолыңызды аяқтың ұшына апарып, яғни кеудеңіз тізеге тиетіндей еңкейіңіз.
Жасалу мөлшері: 1-2 минут орындаңыз
12.
Б.қ. - ет бетімен жату. Екі қолды алға жылжыта отырып, төс пен иегіңізді еденге тигізіп, жамбасты ақырын төбешік болатындай, созыңыз.
Жасалу мөлшері: 1-2 минут орындаңыз
13.
Б.қ. - ет бетімен жату. Аяқ пен қолыңызды еденге тіреп, арқа мен беліңізді, яғни жамбасты төбешік болатындай жоғарыға созыңыз.
Жасалу мөлшері: 1-2 минут орындаңыз
14.
Б.қ. - шалқадан жату. Сол аяғыңызды ішке қарай бүгіп, оң қолыңызбен тізеңізді басып еденге тигізіңіз. Ал сол қолыңыз бен оң аяғыңыз тік жату керек. Содан кейін аяқ пен қолдардың орындарын ауыстыру керек.
Жасалу мөлшері: әр жаққа 1-2 минут
Берілген жаттығуларды балаларыңызға тұрақты түрде орындатуарқылы оларды сколиотикалық аурудан сақтандырасыз.
Сізге және жанұяңызға денсаулық тілейміз!
Дайындаған: Анастасия Смирнова
