Дене жаттығуларының кез-келген жаста денсаулықты сақтауға, салмақ реттеу мен көңіл-күйді жақсартуда маңызды екендігі баршаға мәлім.
Алайда, миымызға да жаттығу қажет деп ойладыңыз ба?
Иә, көпшілігіміз миды, жаттығуды қажет ететін жүрек немесе өкпе сияқты мүшелер қатарына қоспаймыз.
Сізге миды оттегімен қанықтыратын, сол және оң жарты шарлардың жұмысын тұрақтандыратын қарапайым жаттығулар арқылы миды "қайта жүктеп" көруді ұсынамыз.
Күнделікті бірнеше минуттық жаттығулар, сізге өз нәтижесін көп күттірмейді!
1. Мидың шаршауын басатын отырып тұру жаттығуы
Отырып тұру оңай және кең таралған жаттығу көрінгенімен, ол аталмыш «Миға арналған йога» ми жарты шарларының жұмысына ынталандырады.
· Ыңғайлы тұрыңыз, аяқты иық деңгейінде қойыңыз, бұл бастапқы қалып.
· Тілді таңдай мен жоғарғы тістердің түйісетін жеріне қойыңыз, «л» дыбысын айтуға талпынғандай болыңыз.
· Содан соң сол қолыңыздың бас бармағы алдыға, ал сұқ саусағыңыз артқа қарайтындай етіп оң құлағыңыздың сырғалығынан ұстаңыз. Ал, оң қолыңызбен тура солай сол құлағыңыздың сырғалығынан ұстаңыз. Сонда қолдарыңызды көкірек тұсында айқастырылады, оң қолыңыздың сол жақ қолдың үстінде (міндетті түрде) болуын қадағалаңыз.
· Енді осы қалыпта тереңірек отырамыз. Отыру кезінде демді ішке тартамыз да, осы қалыпта екі секундтай дем алмаймыз.
· Дем шығару кезінде баяу бастапқы күйге қайтамыз.
Бұл жаттығуды кем дегенде 3 рет қайталау керек, уақыт өте оны 5 ретке дейін арттыруға болады. Егер толықтай отырып-тұру қиынға соқса, жартылай отырып тұру болады.
Жаттығуды жасаған кезде дұрыс демалу және техникасын бұзбай орындау өте маңызды.
Әйел адамдарға ескерту: Бұл жаттығуды етеккір басталар алдында 2 күн бұрын, кезінде және аяқталған соң 2 күн ішінде жасамаған дұрыс.
2. "Құлақ-Мұрын-Шапалақ"
Бұл жаттығу бір қарағанда қарапайым болып көрінеді.
Сол қолыңызбен мұрынның ұшын, ал оң қолыңызбен сол құлағыңызды ұстаңыз. Бір мезгілде қолдарыңызды түсіріп, шапалақ ұрып, қолдарыңызды ауыстырыңыз (оң қол мұрын ұшында, сол қол құлақта). Осылай бірнеше рет қайталаңыз.
Бұл тапсырманы бірден орындайтындар сирек кездеседі, алайда, күнделікті жүйелі жаттығулардан кейін міндетті түрде нәтиже болады.
Ал, мидың жарты шарлары "жұмысын үйлестіруге көмектескеніңіз" үшін рахмет айтады.
3. "Қуаттандырғыш" жаттығуы
Бұл жаттығу иық белдеуі мен мойын бұлшықеттерін босаңсытуға көмектеседі. Бұл қарапайым жаттығу отырып, әсіресе компьютер алдында жұмыс жасайтындарға ұсынылады.
Бастапқы қалып - орындықта тік отырып, қолдар стол үстінде. Иегіңіз көкірек тұсына тигізгенше басыңызды баяу еңкейтіңіз. Осы күйде бірнеше секунд тұрыңыз, содан кейін терең деммен басыңызды көтеріп артқа шалқайтыңыз және иығыңызды түзеп, кеудеңізді мүмкіндігінше ашыңыз. Сосын бастапқы қалыпқа қайтып келеміз. Дем шығарған кезде босаңсыңыз. Жаттығуды тағы екі-үш рет қайталаңыз.
4. "Ілмек" жаттығуы
Бұл жаттығу психоэмоциялық тоқыраудан арылуға және көңіл-күй тепе-теңдігін қалпына келтіруге арналған.
Орындыққа отырып, денеңізді тік ұстаңыз. Аяғыңызды айқастырыңыз: сол аяқтың тобығы оң аяқ тобығының үстінде.
Саусақтарды айқастырыңыз - оң қолдың бас бармағы сол қолдың бас бармағының үстінде.
Айқастырылған саусақтарыңыз кеуде тұсында болатындай етіп ішке қарай айналдырыңыз. Тілді таңдай мен жоғарғы тістердің түйісетін жеріне қойыңыз, есінеу немесе жеткіліктілік сезімі пайда болғанға дейін 3-5 минут осы қалыпта болыңыз.
Ең бастысы - кешке кез-келген бұқаралық ақпарат құралдарынан аулақ болу. Яғни, ұйқыдан бір сағат бұрын және оянғаннан кейін де бір сағат! Миымызға үзіліс берейік!
