Сіз стретчингтің (созылуға арналған жаттығулар) денсаулыққа, әсіресе қимыл қозғалыс аз адамдар үшін тигізетін пайдасы туралы естіген боларсыз.

Төменде сіздерге назардан тыс қалдыруға болмайтын стретчингтің артықшылығы туралы дәлелденген біршама ақпаратты ұсынамыз.

1. Адамдардың көпшілігі түстен кейінгі уақытта жұмыс істеу қабiлеті төмендегенін сезінеді, осындай кезде 2-3 минуттік стретчинг сіздің жұмыс істеу қаблетіңізді қайта қалпына келтіреді! Бұл кезекті бір шыныаяқ кофеге қарағанда анағұрлым жылдамырақ және арзан.

2. Кішігірім зерттеудің нәтижесі созылуға арналған жарты сағаттық жаттығу қимыл қозғалыс үйлесімділігі мен тепе-теңдік сезімін жақсартатынын көрсетті.

3. Күнделікті созылу жаттығулары бұлшықеттерді нығайтып, қозғалысты жеңілдетеді. Стретчинг жаттығуларын дұрыс орындау өте маңызды.  Кейбір мамандар статикалық созылу жаттығуларынан аулақ болуды ұсынады, олардың айтуы бойынша динамикалық созылу жаттығулары ең дұрысы. Бірақ ол тұжырым дұрыс емес, өйткені олардың қолданатын өз орыны мен уақыты бар. Уақыт өте келе сіз бүкіл денеңізде бұрын-соңды болмаған жеңілдікті сезінесіз.

4. Стретчингті спорт түрі ретінде емес, спортпен бірге қолданған жақсы болады. Созылу жаттығуларын машықтануға (тренировка) дейін және кейін жасау пайдалы. Машықтану кезіндегі жалпы дене қыздыру жаттығулары барысындағы динамикалық созылу жаттығулары бұлшықеттер мен буындарды алдағы негізгі жұмысқа дайындап, жарақат алу қаупін төмендетеді. Ал машықтанудың соңында жасалатын статикалық созылу жаттығулары бұлшықеттер мен буындардың қалыпқа келуін жақсартып әрі жылдамдатады.

5. Жаттығулар қандағы қант деңгейін төмендетуге көмектеседі, ал бұл өз кезегінде диабетке шалдыққан адамдарға пайдалы.

6. Стретчинг физикалық және эмоциялық тұрғыда демалуға көмектесіп, күйзелісті азайтады.

Стретчинг жаттығуларын жасаған кезінде кенет және шапшаң қимылдар жасамаңыз. Кідіріссіз және біркелкі тыныс алу керек.