Қарапайым жаттығулар егде жастағы адамдар үшін күнделікті өмірдің маңызды бөлігі бола алады.
Атап айтқанда:
· Лифтті пайдаланудың орнына баспалдақпен көтерілу;
· Немерелермен серуендеу;
· Жақын маңдағы барлық саябақтарды зерттеңіз, серуендеңіз немесе велосипед тебіңіз;
· Бау-бақшада жұмыс істеу.
Өзіне-өзі қызмет ете алау болу үшін дене белсенділігімен айналысу керек
Егде жастағы адамдарға арналған жаттығулардың мақсаты – ең алдымен, өзіне-өзі қызмет ету, қозғалу қабілетін сақтау (немесе қайтару), яғни - тәуелсіздігін сақтау болып табылады.
Денсаулығыңызға байланысты проблемалар туындаған кезде жаттығуларды интернеттен немесе теледидардан көргеніңізге сүйеніп емес, оны сол саланың маманымен бірге таңдаңыз.
"Маған болмайды?"
Егер жаттығулар дұрыс таңдалатын болса, дене шынықтыру егде жастағы адамдар үшін кез-келген жағдайда пайдалы. Алайда, жүрек жеткіліксіздігінің ауыр түрі және басқа да аурулардың асқынған кезінде дене белсенділігімен мүлдем айналысуға болмайды.
Егде жастағы адамдарға басты шалқайтуға болмайды, өйткені көп жағдайда басы айналып, қарт адамдардың құлауына әкелуі мүмкін.
Сіздің назарыңызға, дене белсенділігін қалыпты жағдайда сақтауға арналған бірнеше қарапайым жаттығуларды ұсынамыз:
1. Бір аяқта тұру.
Егде жастағы адамдардың тепе-теңдікті сақтауына арналған қарапайым жаттығудан бастаған жөн.
Орындықтың артында тұрып, оның арқалығынан ұстаңыз. Оң аяғыңызды көтеріп, тепе-теңдік сақтаңыз. Дене дайындығыңызға байланысты бұл қалыпты бірнеше секунд ұстаңыз. Содан кейін аяғыңызды ауыстырыңыз.
2. Аяқты артқа көтеру.
Бұл күштік жаттығу арқаның төменгі жағының бұлшықеттерін нығайтады.
Орындықтың артында тұрып, оның арқалығынан ұстаңыз. Баяу оң аяғыңызды артқа көтеріңіз (аяқты түзу ұстап - тізеңізді бүкпеңіз). Бұл қалыпта бір-екі секунд болып, содан кейін аяғыңызды ақырын төмен түсіріп бастапқы қалыпқа оралыңыз. Әр аяққа 10-15 реттен қайталаңыз.
3. Аяқты бүйірге көтеру
Аяқтарыңыздың арасын сәл ашып орындықтың артында тұрып, оның арқалығынан ұстаңыз.
Арқаңызды тік ұстап, алға қарап, оң аяғыңызды баяу бүйірге қарай көтеріңіз. Содан соң аяғыңызды баяу түсіріңіз. Бұл жаттығуды әр аяққа 10-15 реттен қайталаңыз.
4. Өкшеден аяқтың басына
Бұл жаттығу аяқтарды бұлшықеттерін нығайтады, әрі дұрыс және құламай жүруге мүмкіндік береді.
Оң аяғыңыздың өкшесі сол аяқтың бақайларына тиетіндей етіп, оң аяғыңызды сол аяғыңыздың алдына қойыңыз.
Сол аяғыңызды оң аяғыңыздың алдына қойыңыз, салмақты өкшеге түсіріп. Содан кейін салмағыңызды бақайларыңызға түсіріңіз. Қадамды оң аяқпен қайталаңыз. 20 қадам жүріңіз.
5. Қабырғадан кеудені көтеру
Қабырғаға қол жетерліктей қашықтықта тұру керек. Сәл алға еңкейіп, алақандарыңызды қабырғаға иық деңгейі мен еніне сай қойып сүйеніз.
Қолдарыңызды бүгіп кеудеңізді қабырғаға баяу жақындатыз. Содан бастапқы қалыпқа баяу қайтып келеміз. Осылай 10-20 рет жасаймыз.
6. Иықтарды айналдыру
Бұл қарапайым жаттығуды отырып немесе тұрып жасай аласыз.
Иықтарыңызды суретте көрсетілгендей 1 минуттай, оқыс қимылсыз ақырын алдыға және артқа айналдырыңыз.
Күнделікті жаттығуларды жасамас бұрын дәрігермен кеңесу қажет!
Деніңіз сау және белсенді болыңыз!!!
